Lýsing:

Um er að ræða 2 eins hús.

Hvert hús er 100 m2, á 2 hæðum með gistirými fyrir allt að 8 manns. Það eru 3 svefnherbergi á efri hæð, hvert herbergi með 2 rúmum, ásamt svefnsófa sem staðsettur er í sjónvarpskróknum. Fullbúið eldhús er til staðar (með uppþvottavél) og borðbúnaði ásamt rúmgóðri stofu.
Háhraða internet, uppábúin rúm, handklæði, tuskur og viskustykki eru á staðnum.

Staðsetning:
Húsið er á Hellnum við rætur Snæfellsjökuls, húsin í hverfinu eru gjarnan eru kölluð norsku húsin enda byggð í norskum stíl. Staðsetningin og útsýnið eru óborganleg yfir hafið og Snæfellsjökul.

Dægradvöl:
Hellnar var um aldir ein af stærstu verstöðvum á Snæfellsnesi.
Margar skemmtilegar gönguleiðir eru á svæðinu, bæði er hægt að fara í stuttar gönguferðir niður í fjöru og fá sér kaffi og fiskisúpu á hinu fræga Fjöruhúsi, hægt er að skoða klettinn Valasnös og labba upp í gegnum hinn fræga helli Baðstofuna.

Við Hellna er ein af frægari gönguleiðum landsins yfir á Arnarstapa, þessi gönguleið er 2,5km og er flestum fær.

Möguleikarnir á skemmtilegum dagleiðum á bíl eru óþrjótandi á svæðinu, hvort sem fólk vill fara uppá jökul í vélsleðaferð, fara á hestaleigur, skoða hella, heimsækja Ólafsvík, Grundarfjörð eða Stykkishólm.